هنا اسأل استشير

بما انى ان شاء الله علي وشك التخرج واكون دكتورة صيدلانية قد الدنيا
فانا قررت احط هنا علامة اسأل استشير
اي استشارة طبية نصلح
ومش تقلقوا انا عارفة علمى متواضع بس ان شاء الله افيدكم مش اضركم
يلا انا مستنية استشاراتكم
وببلاش اول اسبوع بس
باعمل زبون واجر رجلكم
وبعدين نبقي نتفاهم في المقابل بعد كدا

فكره حلوه منك قوى يادكتوره بحيكى عليها

انا كنت بفكر فعلا اننا نفتح قسم فالمنتدى خاص بالاستشارات الطبية بس انتى سبقتينى

يلا ياجماعه استغلو الموقف قبل ماتكون الاستشاره بفلوس بعد كده

ازيك يا drnonna
الف مبروك مقدما وعقبال الصيدليه بقى
وعقبالنا احنا لما نبقى زيك ونخلص بقى
وعموما الاستشارات مهمه جدا انا كطلبه كليه هندسه وبالذات الاستشارات هتبقى مركزة على الاكتأب واللى زيه هههههههههه

drnnonna كتب:

بما انى ان شاء الله علي وشك التخرج واكون دكتورة صيدلانية قد الدنيا
فانا قررت احط هنا علامة اسأل استشير
اي استشارة طبية نصلح
ومش تقلقوا انا عارفة علمى متواضع بس ان شاء الله افيدكم مش اضركم
يلا انا مستنية استشاراتكم
وببلاش اول اسبوع بس
باعمل زبون واجر رجلكم
وبعدين نبقي نتفاهم في المقابل بعد كدا

السلام عليكم

يظهر ياشباب ان الدكتورة هتبدأ تستغلنا لأ واية دى عايزة تجرب فينا كمان

فى الأول بتقول من غير فلوس وبعد شوية هتقول الأجر كذا وبعدها هتقول شوفوا حد غيرى

عموما ألف مبروك يادكتورة وعقبال ما تشتغلى ان شاء اللة بس احنا لازم نتاكد الأول انك شاطرة قبل ما نستشيرك فى أى حاجة علشان كدة عاوزين حد يتبرع ونجرب فية لأن انا بصراحة مش مستغنى عن نفسى

بقي كدا يا طارق مش مستغنى عن نفسك
ماشي ماشي
انا هساعدك في تحديد المرض واشوف اذا كانت محتاجة استشارة طبيب متخصص ولا لاء
وبعد كدا لو ممكن ادوية بسيطة تساعد
انا هجرب فيكم ليه
ما انا بجرب في اصحابي وفي ماما
وبعدين جرب مش هتخسر حاجة

ميرسي يا ماجد علي مرورك اللي نورنى

وميرسي ليك يا احمد
بس حكاية الاكتئاب دى اهم حاجة فيها تعرف السبب وتحاول تعالجه
لان الادوية في المجال دا غير امنة ومحدش بيكتبها الا لو فعلا ضرورية
وكمان معظمها ادوية جدول لازم روشتة
يارب ردى ينال رضاك ولو عايز اي حاجة انا موجودة

drnnonna كتب:

بقي كدا يا طارق مش مستغنى عن نفسك
ماشي ماشي
انا هساعدك في تحديد المرض واشوف اذا كانت محتاجة استشارة طبيب متخصص ولا لاء
وبعد كدا لو ممكن ادوية بسيطة تساعد
انا هجرب فيكم ليه
ما انا بجرب في اصحابي وفي ماما
وبعدين جرب مش هتخسر حاجة

ازيك يادكتورة

طبعا مفيش حد يقدر ينكر انك دكتورة كبيرة جدا بس أصل أنا بحب أضايق الناس اللى حواليا على قد ماقدر

وعلى فكرة بقى أنا هافضل وراكى لغاية لما تكرهى الصيدلة دى خالص

عموما لما النتيجة تطلع يبقى لنا كلام تانى (ابقى طمنينا اول ما تطلع ان شاء اللة)

بس انا مش اتضايقت ولا حاجة
انا لما بكون كويسة بضايق اللي حواليا برضه
بس اول ما تلاقينى مطيعة كدا بيعرفوا انى تعبانة
عادى يعنى مش لوحدك
بتفكرنى بالنتيجة ليه ؟ان شاء الله خير
ادعي لي انت بس وان شاء الله اللي تطلبه انا تحت امرك
وكل اللي في المنتدى طبعا
بس ادعوا

حمد لله علي سلامتك نورتنى بمرورك الكريم
صيدلية دى يارب بس مش هتكون الايام دى خالص ربنا يكتبها لي يارب
حكاية الاستشارة الناس هنا في المنتدى مش عارفة خايفة منى ولا مكسوفة مش عارفة
طيب مش لازم تكونوا تعبانيين
يعنى لو بتسأل عن اي مرض سببه ازاى تكتشفه او اي دواء بيعمل ايه اثاره الجانبية
تستخدمه امتى اي حاجة
انا مش اقصد انق عليكم واقول ان كلكم صحتكم زى الفل ومحدش تعبان ههههههههههه