طاطي راسك-أحمد فؤاد نجم

موضوع: طاطي راسك-أحمد فؤاد نجم 2008-05-03, 7:41 am

سالنور عليكم كلكم
انا جايبلكم قصيدة لاحمد ؤاد نجم
يارب تنال رضاكم واسيبكم معاها واستمتعوا بيها

طاطي راسك طاطي طاطي .. انت ف وطن ديمقراطي .. انت بتنعم بالحرية .. بس بشرط تكون مطاطي
لما تكون شغال بذمة .. خايف على مصلحة الأمة .. شغلك يطلع من غير لازمة
.. علشان مبيعلاش غير واطي طاطي راسك طاطي طاطي .. انت ف وطن ديمقراطي

لما حاميها يكون حراميها .. وبلاده ورا ضهره راميها .. طالع نازل واكل فيها .. مسنود بالبدلة الظباطي
طاطي راسك طاطي طاطي .. انت ف وطن ديمقراطي

لما شقاك يصبح مش ليك .. فقرك سد السكة عليك تتلفّت تلقى حواليك .. إما حرامي و إما عقاطي
طاطي راسك طاطي طاطي .. انت ف وطن ديمقراطي

لماتلاقي بلاد الدنيا .. فيها البني آدم حاجة تانية .. وانت في الطبقات الدنيا .. قرد مسلسل أو وطواطي
طاطي راسك طاطي طاطي .. انت ف وطن ديمقراطي

لما الجهلة يبقوا أمامك .. أو فوقك ماسكين ف زمامك .. ويسوقك ع الهلكة إمامك .. تشرب م السم السقراطي
طاطي راسك طاطي طاطي .. انت ف وطن ديمقراطي

لما الكلمة تكون بتدينك .. لما تخبي ف قلبك دينك .. لما الذل أشوفه ف عينك .. هات إحباطك على إحباطي
طاطي راسك طاطي طاطي انت ف وطن ديمقراطي .. انت ف وطن ديمقراطي

وده كان موجز يا جماعه من الآلام والغلب اللى عايش فيهم الشعب المصرى

طيب وهنعمل ايه ازا كانت دوله تقريبا كل اللى فيها من الادارة فاشلين الا القليل اللى بيراعى ربنا

وميرسى على الشعر مع انى معنتش بحب اشوف فالمنتدى حجات تقلب علينا المواجع زى دى

طيب حاضر
معندش هاقلب عليكم المواجع
بس مش هتعرف تهرب من المواجع دى حتى لو انا سكت

نورت كتير

EXCELLENT MEMBER المساهمات : 42 تاريخ التسجيل : 08/04/2008

ميرسى على الكلام ده وعلى فكره يا ماجد ده مش بيقلب المواجع ولا حاجه
لازم يكون فى كلام من ده علشان يفوق الناس شويه ويحسوا بال احنا فيه علشان يفوقوا من السحابه ال مغطياهم

وميرسى للمره التانيه ويا رب ما يحرمنا من اشعارك

موضوع: رد: طاطي راسك-أحمد فؤاد نجم 2008-05-04, 4:05 pm

قصيدة حلوة فعلا وبتوصف الواقع المنيل الى احنا فيه

ولو الناس ماخدتش موقف غير الكلام وخلاص هيبقى الحال اوحش من كدة كمان

لان الى بيطاطى مرة ممكن يطاطى على طول

neno كتب:: ميرسى على الكلام ده وعلى فكره يا ماجد ده مش بيقلب المواجع ولا حاجه
لازم يكون فى كلام من ده علشان يفوق الناس شويه ويحسوا بال احنا فيه علشان يفوقوا من السحابه ال مغطياهم

وميرسى للمره التانيه ويا رب ما يحرمنا من اشعارك

ميرسي ليكى انتى يا نينو علي المرور
والحمد لله ان الموضوع عجبك
نورتى كتير santa

[quote="love_for_life"]قصيدة حلوة فعلا وبتوصف الواقع المنيل الى احنا فيه

ولو الناس ماخدتش موقف غير الكلام وخلاص هيبقى الحال اوحش من كدة كمان

لان الى بيطاطى مرة ممكن يطاطى على طول[/quote

لا اوحش من كدا نروح فين
ان شاء هنون احسن
نورت كتير santa