اولا انا بحب احيى الصديق عمورة جدا على الكلام الحلو الى قاله وفعلا هو من اعز اصدقائى ومن انقى واوفى واطيب الاصدقاء الى اعرفهم.
الصداقة كلمة كبيرة جدا وفيها معانى كتير لازم الواحد يقدرها لما يقولها وهى تفرق كتير عن كلمة صاحب.
لان صاحب يعنى واحد اعرفه وخلاص مليش علاقة بيه اوى مش بحكى ليه حاجاتى الخاصة وكدة يعنى.
نرجع بقى لموضعنا الصداقة لازم تكون خالية من اى مصلحة او اهداف او انتهازية يعنى اعرف صديق علشان اوصل لحاجة معينة.
لازم الواحد يلاقى صديقه جنبه فى اشد الظروف الوحشة قبل الحلوة ويقف جنب صديقه.
الصديق هو اخطر واحد على صديقه لانه بيبقى عارف عنه كل حاجة ومخزن الاسرار بتاعه يعنى لو حب يغدر بيه هيضره اكتر ما عدوه هيضره.
الصديق مهم جدا فى حياة صديقه خصوصا انا حسيت جدا بالموضوع ده علشان انا وحيد معنديش اخوات فبقى اصدقائى هم اخواتى بالضبط.
الواحد لما بيتخنق ويزهق من الدنيا كلها لاى سبب بيدور على صديق يقعد يفضفض معاه.
لما يبقى فى اصدقاء بجد المفروض يستحملوا بعض وميتاثروش باى مواقف تافهة ممكن تحصل لان علاقة الصداقة بتبقى اقوى.
بصراحة انا متعردتش ابدا لغاية دلوقتى الحمد لله لغدر الاصدقاء لانى بنقى اصدقائى كويس جدا وبقدر افهم كل واحد فيهم.
وانا قلت قبل كدة فى احد مواضيعى ان من ضمن احلامى انى استمر مع مجموعة الاصدقاء الى انا معاهم دلوقتى لانهم بيتوفر فيهم كل الى انا قلته.
معلش انا عارف انى طولت عليكم بس الموضوع يكتب فيه اكتر من كدة كمان لانها كلمة كبيرة اوى
![[size=24]رايي بالصداقة[/size] Empty](https://2img.net/i/empty.gif)
موضوع: [size=24]رايي بالصداقة[/size] ![[size=24]رايي بالصداقة[/size] I_icon_minitime](https://2img.net/s/t/10/04/47/i_icon_minitime.gif){kind=icon}
2008-04-29, 8:37 pm
