المساهمات : 235 تاريخ التسجيل : 11/03/2008 العمر : 37
موضوع: يومياتى في شم النسيم 2008-04-28, 2:04 pm
السلام عليكم جميعا واضح ان السيت كله بيشم النسيم انا هحكي لكم علي يوياتى في شم النسيم باصحى من النوم الصبح(قال يعنى الناس بتصحي باليل)لا انا اقصد باصحى من بدرى يعنى الفجر كدا اصلي الفجر واقعد في البلكونة اشم النسيم لوحدى قبل ما الناس تصحي والنهاردة بقي اقعدت افتكر زكرياتى مع البيض والرنجة اصل انا عندى حساسية من الحاجات دى ومش مسموح لي انى اكلهم او حتى افكر فيهم قلت طيب انزل اشترى فطير (يعنى مش هيبقي من كله ) نزلت ورحت لحد بتاع الفطير الاقيه يقولي الفطيرة الواحدة بعشرين جنيه انا قلت يمكن مش سمعت كويس سألته تانى قالي عايزة اد ايه يا ابله (قلت في سري كمان ابله دا انت اللي باشا ) لا شكرا يا حاج هروح اجيب بقيت طلباتى واجى اخد وانا راجعة(في سري بقي والله ما انا راجعة) مشيت سألت واحد تانى قالي نفس السعر قلت الدنيا غليت لكن مش للدرجة دى المهم قلت انا لازم افرح ماما وانا اشترى الدقيق واعمل الفطير هيا كمياء يعنى ورحت اشتريت الدقيق ولوازم الخبيز وكل حاجة روحت البيت ماما قالت لي فين الفطير قلت لها المخابز خلصت من بدرى وكل حاجة خلصانه (محبتش اصدمها ) وقلت لها انا هعمله قالت طيب انا داخلة انام شوية (بس اتدبست في عمايل الفطير ادى ماما داخلة تنام) رحت اعلنت حالة الطوارئ في المطبخ وقلت اخبر الفطير وقعدت اعجن واخبز والحمد لله تعبت وفقدت سعرات حرارية كتير يعنى بتاع 3 او 4 كيلو جول(مش الجول لقياس بذل الجهد ؟؟؟) (انا عارفة انا مش مكنة بس عشان الموضوع يقرب للمهندسين ) المهم خلينا في الفطير شوية حوادث كدا عادى الحرب لازم يكون فيها خسارة وبعدين جات الساعة الحاسمة المفروض ادخلهم الفرن وطلع الحمد لله زى الفل ودى الصورة
[url] [/url]
طبعا النتيجة شوية كدمات وبعض الحروق من الدرجة الاولي وهبوط عام وماما قالت لي كويس (يعنى بعد دا كله وكويس طيب )
اخدت الصدمة وانا فاكرة نفسي عاملة انجاز قلت بقي عايزة اسمع كلام حلو من احلي ناس علي المنتدى مش بعد التعب دا ماما تقول كويسة وخلاص
ومحدش يقول هاتى حته هههههههههههه
ماجد محمود Administrator
المساهمات : 206 تاريخ التسجيل : 08/03/2008 العمر : 37
موضوع: رد: يومياتى في شم النسيم 2008-04-28, 4:05 pm
المساهمات : 340 تاريخ التسجيل : 10/03/2008 العمر : 37
موضوع: رد: يومياتى في شم النسيم 2008-04-28, 8:56 pm
انا بقى يوم شم النسيم بصحى عادى براحتى علشان اشم الهوى بعد ما يكون كله بقى ريحته فسيخ
وبعدين اخد مامتى وننزل البلد
بعد ما ننزل بنتجمع احنا واعمامى الاتنين وعمتى واولادهم وكدة يعنى
بعد كدة بيتفرش الورق على الارض وتنزل طلبات الاكل المكونة من فسيخ صناعة منزلية عمى هو الى بيعمله علشان يكون واثق فيه اصله دكتور بطرى وبعد الفسيخ ييجى السردين برده صناعة منزلية وبعد كدة تيجى الرنجة بس دى بقى صناعة خارجية بعد الحاجات دى ينزل بقى الخس والخيار واليمون والبصل طبعا والعيش الريفى المخبوز الجميل صناعة مراة عمى
طبعا الواحد اول لما بيشوف الحاجات دى مش بيمسك نفسه وبيشمر ويدوس فى الاكل ده ميقمش الا لما يحس انه معدش قادر ياخد نفسه
بعد الغدى على طول نلاقى الشاى داخل لانه بيبقى ضرورى اوى علشان يحبس
وبعدين مش بنبقى خايفين حد يحصله حاجة لان عمى التانى دكتور بشرى فلو حصل حاجة هيلحقنا
وبعد كدة نقعد قعدة حلوة لا تخلوا من الضحك والهزار وبعدين ارجع انا ومامتى المنصورة تانى
ولما ارجع ممكن اخرج مع اصحابى نكمل بقى السهرة برة
drnnonna EXTRA ORDINARY MEMBER
المساهمات : 235 تاريخ التسجيل : 11/03/2008 العمر : 37
موضوع: رد: يومياتى في شم النسيم 2008-04-28, 9:16 pm
ميرسي بجد علي الكلام الحلو دا بس انا كنت عاملة اتنين واحدة لينا وواحدة لتنت اللي تحتنا بجد وبعدين انا تحت امرك انت وماجد ان شاء ابقي اعمل ليكم مخصوص واحمد وكل السايت
drnnonna EXTRA ORDINARY MEMBER
المساهمات : 235 تاريخ التسجيل : 11/03/2008 العمر : 37
موضوع: رد: يومياتى في شم النسيم 2008-04-28, 9:20 pm
بجد يوم جامد يا love شم النسيم اللي جاى استئذن لي ماما عشان اجى معاكم وبعد دا كله تسهر مع اصحابك تقصد تهضم انا كدا هقر وانق مع انى عندى حساسية من الموالح ومش بالكل الحاجات دى بس كفاية اليوم الجميل
love_for_life EXTRA ORDINARY MEMBER
المساهمات : 340 تاريخ التسجيل : 10/03/2008 العمر : 37
موضوع: رد: يومياتى في شم النسيم 2008-04-28, 10:55 pm
موضوع: يومياتى في شم النسيم 
2008-04-28, 2:04 pm
