يلا كل واحد يحكى لينا طقوسه في المذاكرة هههههههههه

بمااننا في ايام امتحانات
وواضح جدا ان المنتدى كله دحيحه وامواس الله اكبر علينا طبعا
كل واحد يدخل يحكى لينا طقوسه في المذاكرة
بيذاكر بالليل ولا الصبح
بيشرب ايه شاي .....قهوة.......كابتشينوا......(من بتاع معتز في فيلم ظرف طارق هههههههههههه)انا بهزر طبعا
ويوصف لينا كل حاجة
بينام بعد اد ايه ؟ههههههههههههه
ولو المادة غلسة ومش طايقها ؟ههههههههههههه
كل اللي بتعملوه بالظبط
واللي مش بيذاكر يقول برضه بيهرب من المذاكرة ازاى
عايزة اشوف ردود جبارة ههههههههههه

انا عن نفسى عايز ارد وهكون اول واحد عشان عايز افضض واخرج الكبت اللى جواى عشان ميطقليش عرق
بالنسبه ليا المذاكرة السنه دى بالذات ولا تفرق معايا مش عارف جبت برود الاعصاب دا منين رغم انى انا طول عمرى حمقى على المذاكرة وبخاف على مصلحتى جدا
يعنى السنه اللى فاتت من السنه دى فرق السماء من الارض
السنه اللى فاتت كنت من الشطار بجد اللى الناس تيجى تسألهم الدكتور قال ايه وعمل ايه وهكذا اما السنه دى بروح انا اسأل الناس الدكتور خلص ولا لسه والامتحان امتى بس عشان الموضوع طقوس المذاكرة
انا مذاكرتى كلها باليل مش بعرف اذاكر الصبح نهائى يعنى من الساعة 7 تقريبا لحد الفجر اصلى وارجع انام لحاد العصر دا طبعا ايام الامتحانات لحد يشك فيا كدا ولا كدة
ومفيش غير شرب الشاى لدرجة ان المطبخ بييجى عندى فى الحجرة عامل زى ما يكون واحد قاعد فى قهوة
وفى الاخر بطلع بايه مادة ولا مادتين رفع بس الحمد لله السنتين اللى فاتو حاجة تانيا جج فى سنه و ج فى السنه دى على العموم عايزين نشوف بقى الناس بتعمل ايه هى كمان وبالذات شريف وعمرو
هههههههههههههههههه
سلام
Very Happy

شكلك بجد جايب جاز من المذاكرة
معلش ربنا معاك ومعانا
وبعدين ماحدش بياخد اكتر من نصيبه
وسبب التغير دا زى المثل الفرنساوى اللي بيقول "شيرشه لا فام"بالعربي ابحث عن المرأة
ولا احباط عام ولا ايه؟؟؟؟
علي العموم تسلم علي المشاركة معانا
ونروت كتير santa

موضوع حلو يا drnnonna بس بيفكرنا بالى مش عايزين نفتكره

انا مذاكرتى قليلة مش بعرف اقعد اذاكر وقت كبير بس الحمد لله بقدر احصل معلومات كتير فى الوقت القليل ده(من غير حسد)هههههههههه

وغالبا المذاكرة الجد بتبقى ايام الامتحانات سواء اعمال السنة او نهاية الترم غر كدة بتبقى المذاكرة اى كلام وساعات مفيش خالص زى دلوقتى انا من يوم اعمال السنة مفتحتش كلمة.

انا دخلت السنة دى بالذات مذاكرة كويس وحليت كويس جدا فى الترم وكنت مستنى تقديرات احسن من الى جت بكتير لكن جبت اقل فجالى احباط وحسيت انها مش فارقة يعنى السنة الى فاتت كنت معدى بمادتين ومبسوط الترم ده جايب جيد وزعلان.

انا مش بحب اذاكر على المكتب فى الغالب بذاكر على السريروتبقى المذكرات حوالية وانا فى النص.

بذاكر والكمبيوتر مفتوح جنبى وشغال على الاغانى علشان مزهقش ولما ازهق اقوم اقعد عليه 10 دقايق وارجع اكمل تانى.

احسن وقت عندى للمذاكرة اول ما اصحى من النوم علشان كدة لو فى ماد غلسة بسبها اذاكرها اول ما اصحى من النوم.

بحب اشرب الشاى والنسكافيه وبالذات النسكافيه بيفوقنى.

انا مش من النوع الى بيطبق يومين خالص عمرى ما عملتها ولا هعملها.

لما بعوذ اهرب من المذاكرة زى الايام دى كدة بقعد على الكمبيوتر او اتفرج على التليفزيون.

انا مش اقصد اقلب المواجع ولا حاجة انا بس قلت الناس تفضفض

بالنسبة لمذاكرة دى بصراحة دماغ الاغانى شغالة والكمبيوتر
بس ربنا معاك ومعانا كلنا

نورت كتير يا love santa

انا بقي هتكلم شوية عن طقوسي في المذاكرة والامتحانات
عادة مش بذاكر الا لما اكون مضغوطة
يعنى عندى امتحان الصبح مثلا
ودايما بكون قلقانة وعصبية حبة
دا المود العام
ساعات كتير بقفل الموبايل ومش ارد علي تليفونات الا بعض الناس المقربين قوى بدى اساميهم لماما قبل ما تنادينى
انا عندى امتحانات كتير قوى في كليتنا
وساعة ما اعلن ميعاد امتحان ماما تقول ايه انتى داخلة المعتقل (طبعا بتهزر ) اصل انا اوضتى بعيدة عن بقيت الشقة
اما بقي الطقوس نفسها كوباية قهوة سادة انا بقول كوباية مش فنجان
واحب اقعد في حتة فيها هوا حتى لو في الشتا بفتح الشبابيك لان لو مفيش هوا اتخنق وحاجة من اتنين يا اما ازهق واقوم يااما انام
كمان احب اقعد علي حتة عالية علي سور البلكونة فوق المكتب مستربعة كدا
ولما بحب اهرب بقي اروح اذاكر علي السرير قال ايه بذاكر
بالنسبة للاصوات جنبي ممكن اذاعة القرآن الكريم بصوت واطى عشان مش تزعجنى وتكون حاجة بتزن في ودنى عشان مش اسرح كتير
وببعد عن اكل اي حاجة مسكرة لانها بتنيم وغالبا بتكون الاوضة مش مترتبة والاكل بيجى لحد عندى لو ماجاش مش بتفرق معايا

واسيبكم بقي تكملوا عن نفسكم مستنية ردودكم
سلام santa