ازيكم يا شباب بليز عايزاكم تقولو رايكم بجد فى الموضوع ال هقوله
انا مرتبطه بشاب من حوالى 6 شهور ارتباطنا كان صدفه هو اول ما كلمنى كان على النت فضل يكلمنى كتير وكان بيستنى ان انا افتح كل يوم يعنى كان ال 24 ساعه على النت بينتظرنى بصراحه انا كنت خايفه من كلامى معاه لان ناس كتير حذرونى منه ولكنه لما كان بيكلمنى كان واضح انه كويس عكس ما الناس بيقولو كان عارف كل حاجه عنى لكن انا مش كنت اعرفه خالص فى يوم وهو بيكلمنى قالى انا معجب بيكى وبحبك قولت له ازاى انت عمرك ما شوفتنى قالى بس بسمع عنك كتير وشخصيتك عجبانى بعدت عنه فتره طويله بعدها كلن كل شويه يتكلم فى البيت بس انا مش كنت بكلمه واخر ما زهق خلى اخته تكلمنى قولت لها مش هينفع هو ممكن يكون متعلق بيا بس مش بيحبنى وقفلت على كده بس بصراحه انا كنت حاسه ان انا حبيته بس بدارى الاحساس او ممكن خوف منه
ولما نزلت اول يوم فى الجامعه السنه دى قابلته هناك صدفه وكلمنى انا كنت فرحانه ان انا شوفته واعتذرت له عن كلامى لاخته وبدانا نتكلم واشوفه بس قولت له من بدايتها لازم تكلم ماما واهلك يعرفوا قالى موافق وفعلا كلم ماما واهله زارونا فى البيت والموضوع بقى معروف فى العيلتين وحددنا معاد الخطوبه فى شهر 8
فى الاول كان بيكلمنى كويس وكان بيعاملنى حلو ويقولى على معاد الاقيه قبل المعاد موجود لكن لما اتاكد ان انا بحبه بدا يتغير جدا يعنى بدا يتاخر من معاده ساعتين او تلاته ويقدم عذر وانا للاسف بصدق اى حاجه بعد كده بدا مش ييجى خالص كنت بقول ممكن فعلا مشغول زى ما بيقول
غير كده كان فى ناس كتير بتوقع بينا لدرجة ان هما خلوه يشك فيا كانو بيقولو له كلام بجد صعب مع انه مش كان بيحصل وهو للاسف بيصدقهم لانه متعقد من حكاية الشك دى بسبب موضوع خاص بيه قديم والناس دى كانت بتحرق دمى كتير يعنى واحده منهم كانت تخدوا وتمشى وانا واقفه كده عادى تفضل تهزر معاه يعنى كان الله فى عونى وللاسف البنت دى تبقى صاحبة اختى والناس ال بتوقع بينا يبقوا اقرب الناس لاختى
بدا طبعا اهتمامه يقل بيا خالص مش يكلمنى غير فين وفين ولما اجى اكلمه كان يتنرفز ونتخانق كل يوم بدا قلبه يقسى عليا جدا واوقات الاقيه طاير بيا ولو طلبت عيونه هيديهالى بقيت مش عارفه هو بيحبنى ولا ايه دلوقتى مش بقيت اشوفه غير كل فين وفين وممكن افضل شهر مش اشوفه وبطبيعة شغله مش بعرف اكلمه كتير لانه بينزل اجازه يومين اخر الاسبوع ومش بيبقى فاضى علشان بيشتغل مع باباه
ال بيضايقنى اكتر انه يقولى هكلمك ومش يكلمنى ولما اجى اقوله انت مش اتكلمت ليه يزعأ ويقولى اكبرى شويه انت عقلك صغير انتى مش فاهمه بس يا جماعه انا ليا حق فيه يعنى لازم يدينى جزء من وقته برده لكن ده لا ناسينى خالص بنكون متفقين مثلا انا كلنا هنتقابل فى عيد ميلاد حد من اصحابنا هو ممكن مش ييجى علشان شغله بكون زعلانه بس مش بقدر اتكلم
انا مش قادره استحمل اهماله ليا ومعاملته الجافه معايا لان انا عمرى ماحد عمل معايا كده ولا يقدر يعمل كده المشكله الاكبر ان وضعى الاجتماعى والعلمى ليا انا واهلى مش يسمح بالتعامل ده بس انا بحبه بصوره غير معقوله ومش عايزه اسيبه كمان علشان الناس ال عايزه توقع بينا هيشمتوا فيا جدا غير كده انا خايفه عليه اكتر لان انا غيرته تغيير تام من الوحش للحلو وهو قالى بنفسه انتى ال غيرتنى وغيرتى حياتى يبقى لازم انتى ال تخدينى واكون ليكى واهله نفسهم قالولى كده لانه بصراحه قبل ما يعرفنى كان متمرد جدا جدا جدا
واهله قالولى انتى لو سبتيه هيرجع تانى زى الاول واحنا خايفين عليه قالولى كمان هو اتغير بس مقصر فى حقك كتير
اوقات كتير بكون محتاجاه بس مش بلاقيه خالص لكن هو لما بيحتاجنى من غير ما يقولى بكون جامبه ومعاه
انا مش عارفه اعمل ايه يا ترى بعد صبرى ده كله وحبى ليه وكل ال انا عملته علشانه وغيرته اسيبه ولا اصبر واتحمله على كده بس ده صعب اوى ولا فى حل تانى
سورى يا جماعه دوشتكم بس بجد انا تعبت ومحتاره يا ريت تقولو لى اعمل ايه
موضوع: الحب عذاب بالنسبه لى 
2008-04-26, 7:04 pm
