مـــــــوســــــوعــــــة النــــــــكـــــــــت : الــجــزء 2

ودلوقتى جيتلكم تانى بالجزء الثانى من الموسوعه .......... يلا بينا نضحك مع بعض

1. مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان"
فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"

2. مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس.
فى واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

3. احد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه..
ففكوه ونزلوه بسرعه.... فبص لهم وقال: ياجزم كنت هتخنق

4. مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص...
قاله خليها بكرة يا دكتور علشان النهاردة ماتش النهائي

5. في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف،
التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ،
الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.

6. بيسألوا واحد صعيدي بيقولوله المصري بنى الأهرامات والياباني بنى إيه قالهم بنا سونيك

7. مرة واحد كسلان جدا كان فى لجنة الامتحان القلم وقع منه فى اول اللجنة فقام سلم الورقة

8. مرة واحد صعيدي قاعد كانت دماغه وجعاه من الشمس فحاطط ايده على دماغه
راح واحد تاني صعيدي معدى من جنبه قاله: مالك يابوي رد عليه وقاله: تعبان من الشمس التاني قاله: حمدان من سوهاج

9. فار مسطول قال : كل القطط تحت جزمتى لقى وراه قط اسود قال الا ابو سمره حبيبى

10. مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب