ياترى ايه هى المواصفات اللى تحبها تكون فشريك حياتك ؟؟؟

الموضوع ده كل واحد يا شباب ويا بنات يشرحلنا ايه المواصفات اللى يحبها فشريكة / شريك حياته بالتفصيل

ويوصفلنا شكله كمان بمعنى لو كان يشبه لممثل او ممثله

يا لااااااهوىىىىى
انا داخلة النهاردة اضيف الموضوع دا
الاقيك سبقتنى
يا لا بقي مش مشكلة
انا هفتتح المشاركات وعايزة اشوف مشاركاتم انتم كمان

مبدئيا يكون متدين عارف ربنا يعنى وهيراعي ربنا فيا مش متعصب اكيد فاهمين قصدى
محترم طيب مش عصبي ويكون فيه قبول وتفاهم بيننا
واكون فخورة بيه ادام الناس
اما بالنسبة للشكل مش فارقة المهم انه يكون مقبول وخلاص
لو انى اتمنى انه يكون طويل بس مش مشكلة لو قصير حبة مفيش مانع
الوضع الاجتماعى :بما انى صيدلانية علي وشك التخرج احب انه يكون م نفس المستوى العلمى
بالاخص يا دكتور يا مهندس مع احترامى لبقيه الكليات والتخصصات والمؤهلات
واكيد بما انه دكتور او مهندس اكيد هيكون له مستقبل ومهنة تضمن حياه كريمة
ويكون من عيلة محترمة عشان "اعمام العيال "بعد عمر ....... ان شاء الله
الوضع المادى مش فارقة معايا كتير اصل الفلوس عمرها ما بتضمن السعادة
وانا قنوعة لا يلزمنى شبكة زى بنت خالة مراة عمة بنت اخت جوز خالتى
اصل ما مش احب ابص لحد ولا عمرى فكرت في موضوع شريك الحياة بالمبدأ المادى
وعلي رأى المثل يا واخد .......علي ماله بكره يروح المال ويفضل هو علي حاله
اكيد عارفين المثل دا ههههههههههه
وغير بقي شوية حاجات كدا زى اي بنت تتمناها زى ان يكون حنين وله شخصيه متفاهم ........
كفاية كدا لاحسن تقولوا عليا بطلب المستحيل هههههههههههههه

قبل ما اقول المواصفات طبعا احنا عارفين ان كل شئ نصيب ومحدش عارف نصيبه ازاى

فالموضوع مجرد امنيات نتمنى انها تكون فشريك حياتنا

ودلوقتى بقى هقولكم على مواصفات البنت اللى اتمنى انى ارتبط بيها :

انها تكون فالاول متدينه تراعى ربنا فيا وفبيتها اللى هتكون مسؤله عنه وعن اسمى فغيابى

تكون جميله ( حلوه شكلا وطباعا ) وجمال مش عادى يعنى ميختلفش اتنين عليه

تكون رقيقه جدااااااااااا ودى صفة من اهم الصفات اللى بركز عليها فالحكم على اى بنت

طبعا تكون بتحبنى جدا ومرتبطه قوى بيا

تكون من طب او هندسة او صيدله يعنى مستواها العلمى موازى لمستوايا

يكون مستواها المادى كويس لانى مقتنع ان لازم ميكنش قى فرق فالمستوى الاجتماعى مابين الاتنين

تكون بتعرف تتكلم يعنى مستواها الفكرى عالى علشان متكلمش مع نفسى فالبيت وعلشان اقدر افخر بيها لما اقدمها لمعارفى

اما من ناحية الشكل فانا اتمنى انها تكون شكل المغنيه شذى ( شكلا بس طبعا ) او شكل هبة المذيعه فبرنامج شبابيك فدريم

بس انا كده خلصت .......... انا عارف ان المواصفات دى صعب انها تتوحد فانسانه واحده بس ممكن جدا ومش مستحيل

انا داخل علشان اكتب مواصفات شريكة حياتى او فتاة احلامى بمعنى اصح لانها غالبا بتبقى فى الاحلام بس لان من الصعب كل الصفات الى الواحد بيعوزها بيلاقيها فى واحدة والمواصفات هى:

انا هبدا بالشكل على اعتبار انه اول حاجة بتلفت نظر الواحد فى الواحدة قبل مايتعرف عليها ويعرف طباعها

انا عايزها تكون عنيها حلوة وبالاخص رسمة عنيها مش لونها لان دى اكتر حاجة بتعجبنى فى الواحدة

وجهها يكون ملامحه حلو ومتناسقة

شعرها يكون حلو وطويل واكيد ده مش هعرف اشوفه فى البداية لانها غالبا هتكون محجبة

وتكون بشرتها لونها ابيض وجسمها متناسق

كد خلصت مواصفات الشكل ندخل بقى على الطباع:

لازم تكون متدينة وملتزمة علشان دى هتبقى ام اولادى فى المستقبل وكمان هتشيل اسمى

تكون روحة لذيذة ومتكلمة وتفكيرها واسع

تعيش معايا على الحلوة ولمرة لان اكيد ساعات الواحد بيواجه فى حياته ازمات وبيحتاج حد يقف جنبه

تكون بتحبنى فعلا وتثق فيا زى ما انا هثق فيها

انا مش بتفرق معايا الكلية اوى طالما مستواها التفكيرى كويس وان كنت افضل صيدلة, طب اسنان ,هندسة

وانا متفق مع ماجد ان المستوى الاجتماعى لازم يكون متقارب وافضل اكون انا اعلى فى المستوى المادى لانى مقبلش مراتى تصرف عليا

بتهيالى كدة معدش حاجة بس بحملكم امانة لو فى وحدة بالمواصفات دى يجبهالى وانا اخطبها فورا بلا تردد