قصة حقيقية

الموضوع الى انا هقوله هنا حصل لاحد اصدقائى واحب اشوف راى اعضاء المنتدى فيه!



فى واحدة فضلت تحبه من بعيد لبعيد بس هو كان حاسس بس عامل نفسه مش واخد باله هى اصلا تبقى صاحبة اخته


المهم هى اخرة م زهقت راحت اعترفتله انها بتحبه هو طبعا اتثبت مكانه ومكنش عارف يقول ايه لانه اصلا مش حاسس نحيتها باى حاجة فقلها انه مش بيفكر فى الارتباط حاليا ومش شاغل نفسه بالحاجات دى دلوقتى خالص

وخلص الموضوع مؤتا على كدة

بعد كدة هو فكر فى الموضوع وقال ياخد الى شاريه احسن وممكن يحبها بعد كدة فراح وقلها انه عايز يرتبط بيها طبعا هى طارت من الفرحة مكنتش تعرف الى مستنيها !!!!!!!!!!!!!!!!

وبالفعل ارتبطوا ولكن لمدة قد ايه يومين فقط وبعديها قلها انه مش بيحبها وانه مش هيقدر يضحك عليها ويتسلى بيها وانفصلوا.

طبعا هى انهارت واصحابها قالوا انه هو الى غلطان انه عمل فيها كدة.

ياترى انتوا بقى رايكم ايه؟

هل كان يديها فرصة كتر من كدة يمكن يحبها وخصوصا انها شارياه جدا؟

ولا هو كدة عمل الصح علشان ميعيشهاش فى الوهم!!!!!!!!1

انا اتفق معاك يا مجود فى جزئ من رايك انه المفرود مكنش يرتبط بيها من الاول طالما مش حاسس نحيتها باى حاجة ولو ان فى نظرية بتقلك خد الى شاريك مش الى انت شاريك

لكن انا شايف طالما ارتبط بيها كان المفروض يدى لنفسه وليها فرصة اكبر من كدة كان ممكن يحبها وخصوصا انها شارياه جدالكن مش يومين بس. دى صعبة اوى عليها

هو عمل زى الى طلعها يوريها مصر من فوق برج القاهرة وبعدين حدفها من فوقيه.

بس هو يحسب ليه انه متسلاش بيها ولا ضحك عليها واستخدم معاها وجع ساعة ولا كل ساعة

انا جاى دلوقتى ياجماعة علشان اقول لكم على الخلاصة من وجهة نظرى

البنت اللى احنا بنتكلم عليها دلوقتى رخصت نفسها جدا يعنى لو كان صاحبنا دة حاسس نحيتها باى حاجة من الاول فبعد الكلام دة اكيد هيغير راية فيها لان اى راجل دايما بيحب الحاجة الصعبة علية واول ما يوصلها يرميها وكان المفروض انها تلمحلة بس من بعيد لبعيد وتحاول تعرفة اللى فى قلبها بطريقة غير مباشرة دى اول حاجة

اما بالنسبة لصاحبنا دة من الاول طالما مكنش حاسس ناحيتها بحاجة يبقى مكنش يظلمها معاة