الوصفة السحرية لقلب البنت

موضوع: الوصفة السحرية لقلب البنت 2008-04-12, 9:23 pm

سؤال موجه لبنات المنتدى؟

انا معجب بواحدة وعاوز اعرفها انى بحبها بجد ومش بتسلى بيها وعايز اعمل كدة من غير ما اسبب اى مضايقة ليها؟

عايز نصائح قوية تخلصلى الموضوع!!!!!!!!!!!!!

ارجو الاهتمام

شوف ياجميل النصيحه دى ومتخفش هى متجربه

البنات عموما بتحب الشاب الجرئ مش اللى يدخل يتكلم معاها وهو خايف

وكمان بيحبوا الصراحه بمعنى انك لما تروح تكلمها تدخل بكل ثقه فنفسك وتقلها على شعورك نحيتها بكل صراحه

مثال توضيحى : لما تروح تكلمها وتقلها مثلا انا معجب بيكى من فتره واتمنى ان نكون اصدقاء ( اصدقاء : علشان تشتت تفكيرها ومتقلش انك مدلوق )

وبعدين تتكلم معاها فاى موضوع تانى انت اللى تفتحه وتحاول تخليها تضحك على اى حاجه ( تخلى دمك خفيف )

ومستنىك تقولى التيجه !!!!!!!!!

شكرا على النصيحة

بس افرض انها مش بتكلم حد

اعمل ابه؟

مش هتفرق فى الكلام اللى قلتهولك ده ان كانت البنت اللى رايح تكلمها بتتكلم مع حد او لا

لان المفروض الشاب الروش االلى هيروح مش هيدلها فرصه انها تتكلم فالاول لحد ميوصل للمرحله اللى هى فتح موضوع تانى للكلام

بس يا عم انت تسبتها وتروح ومن غير ما تتكلم معاها اديلها وردة و وورقه تقولها فيها انك معجب بيها قوى ونفسك تتعرف عليها بس وبعد شويه تروح وتشوف رد فعلها

اذا الموضوع نفع خير وبركة واذا منفعش وضربتك بالشلوووت متزعلش وو اوعى تيأس

هى طريقه عجيبه شويه بس ممكن نتفع وان منفعتش يبقى انت ونصيبك

معلش يا عمور انا مش موافق خالص على الراى بتاعك لان انا شايف انه مينفعش والتصرف ده ممكن يحسسها انه مش بيقدر يواجه المواقف الصعبة وبيفضل الهروب.

انا شايف انك قبل ما تحاول تكلمها تحاول تلفت نظرها باى طريقة مثلا (تخليها تشوفك كتير,تضحكلها من بعيد لبعيد,تروح تسالها اى سؤال عادى)وهكذا

بعد ما تعمل الخطوة دى تروح تكلمها وقبل ما تتكلم فى اى حاجة تعرفها انك مش بتتسلى ولا بتعاكس لكن هى لفتت نظرك وانك هتكون سعيد جدا لو اتعرفت عليهاوتقولها الكلام الى يعبر عن مشاعرك بطريقة لذيذة ومهذبة

ومش لازم تاخد اجابة منها فى اول لقاء على طول لانها غالبا ممكن متردش عليك

وبعدين تروح بعد كدة تسالها عن رايها فى الكلام الى انت قلته

اهم حاجة فى اول لقاء انك تعرفها شخصيتك كويس وتجذبها بالكلام لشخصيتك وانك متترددش وانت بتكلمها علشان متاخدش انطباع وحش عنك

جرب كدة وربنا يوفقك

ياجماعة انا متشكر جدا على الاهتمام بالموضوع

واتمنى اسمع راى البنات لانة هيبقى الخلاصة

just_dream كتب:: ياجماعة انا متشكر جدا على الاهتمام بالموضوع

واتمنى اسمع راى البنات لانة هيبقى الخلاصة

والله عندك حق يا just السؤال موجهة للبنات
انتوا بتردوا ليه ؟؟؟؟هههههههههههههههههه Wink

شوف يا just المواضيع مش بتيجى كدا
اتعرف عليها الاول مش زمايل؟؟؟!!!!! كلمها في كلام عادى
واتكلم عادى زى ما بتتكلم مع اي حد ومش تبين حاجة
واديها فرصه تعرفك وتحبك الاول
وانت كمان ادى لنفسك فرصة تانية ممكن تلاقي فيها حاجة مش بتريحك
او الصورة اللي في خيالك لها اكيد مش كامله
كملها وفكر تانى بعد ما تتكلم
ومش تستعجل في الرد الموضوع مش سهل
عارف سألوا حجا قالو له تعرف فلان قال اه عاشرته قال لا قالوا ما تعرفوش
اعرفها اكتر اقرب منها اعرف حياتها ظروفها وعرفها بنفسك وامكانياتك
ممكن تكون مرتبطة او ظروفها مش تسمح
احنا برضه في مجتمع شرقي مش هتدخل عليها بالجيل في شعرك وتقولها بحبك هتقولك وانا كمان
ونهرب ونتجوز اكيد طبعا دا سيناريو غلط وغير مقبول مش كدا affraid

وعارف لو هيا حبتك اكيد انت هتحس بيها Crying or Very sad

دى كيميا يا بشر lol!

انا ممكن مش اكون خبيرة يارب اكون افدك ورأيى يعجب الشاب
ولا مش يعجب ههههههههههههه
احنا في بلد ديموقراطى ههههههههههه

for drnnonna

شكرا جدا على النصيحة الجميلة وانا متاكد انها هتجيب نتيجة لانك بنت زيها واكيد تفكيركم واحد

بس انا مشكلتى ان انا خايف تحرجنى لانها مش بتكلم حد خالص وكدة ممكن اخسرها خالص

وكمان ازاى اتعرف عليها كاصدقاء وهى اصغر منى ومعرفش حد يعرفها

موضوع: الشباب والحب 2008-04-20, 10:41 pm

السلام عليكم ورحمه الله وبركاته
هذه اول مشاركاتى واتمنى من الله عز وجل ان تنول اعجاب الكل
ليه كلنا دايما بنهتم بالمواضيع دى
عن غيرها عن المواضيع هل هو بحكم اننا لسه فى الجامعه انا مش داخل اخنق عليكم بس والله لحبى لكم وبمحاوله مناقشه الامرو سويا
انا شا ب عادى زيكم تمام ويمكن اقل منكم مش فى السن طبعا فى حاجات تانيه بس والله الغلاقات دى اخرتها مش حلوه
نظره فابتسامه فلقاء فومعد
"ياايها الذين ءامنوا لاتتبعوا خطوات الشيطان "
واحنا اه شباب فى سن رخم وخطر وممل ولكل حاجه بس المطلو ب اننا نحافظ على نفسنا للاخره وللدنيا واتمنى مشاركات وردود مش كشكر بس احس ان
الموضوع جاب صداه وانا عارف انى تقلت بس ادعواى وانتظروا مشاركات اجمل ان شاء الله وده هديه منى ليكم
http://www.way2allah.com/modules.php?name=Khotab&op=Detailes&khid=684

اهلا بيك معانا يا ابو انس
بصراحة انا مش عارفة اذا كنت بتتكلم بالفصحى ولا بالعامية
وبعيد عن اللغة اللي استخدمتها في الحوار انا مش فاهمة تقصد ايه (ليه كلنا دايما بنهتم بالمواضيع دى)

تقصد مواضيع ايه؟ طارق مقالش حاجة غلط مقالش ازاى اضحك علي واحدة ولا ازاى اجرها للحرام الراجل معجب بواحدة
زى ما كتير من السلف الصالح اتجوزوا
(عن غيرها عن المواضيع ) معرفش تقصد ايه بغيرها من المواضيع المنتدى فيه اقسام كتير ومواضيع اكتر
(انا شا ب عادى زيكم تمام ويمكن اقل منكم مش فى السن طبعا فى حاجات تانيه ) حد قال انك مش عادى واقل مننا في ايه يا تري ؟ عرفنا بنفسك اكتر
اصل علي حد علمى الناس سواسية لا فيه عادى ولا تحت العادى ولا حتى فوق العادى

(والله الغلاقات دى اخرتها مش حلوه )
تقصد العلاقات مش كدا ؟؟؟ وانت ليه تحكم علي طارق بالنية السيئة دى بلاش ظن السوء دا المفروض انك عارف الناس هنا وانهم زمايلك ولا ايه؟
(واحنا اه شباب فى سن رخم وخطر وممل ) معرفش علي اساس ايه بتقول الكلام دا الصحابة كانوا شايلين رايه الاسلام في سن اقل من كدا الزبير ابن العوام شهر السيف دفاعا عن سيدنا رسول الله وهوا ابن 12
انا بختلف معاك كليا وجزئيا في رأيك دا
(بس المطلو ب اننا نحافظ على نفسنا للاخره وللدنيا )

نحافظ علي نفسنا من ايه ؟ من الفتن ؟طب ايه اللي جاب الكلام دا لواحد بيحب واحدة وعايزة علي سنة الله ورسوله

(واتمنى مشاركات وردود مش كشكر)احنا هنا مش بنشكر حد احنا كلنا احبة في الله واللي عنده حاجة بيقولها ومش بنخاف من حاجه عشان نجامل بعض ولا نضحك علي بعض

(وانا عارف انى تقلت )no comment

(بس ادعواى وانتظروا مشاركات اجمل ان شاء الله وده هديه منى ليكم)
ربنا يهديك ومستنيين مشاركات وهديتك مقبولة

اولا قبل ما اتكلم فى اى حاجة طارق ده صاحبى جدا وهو عايز يتعرف عليها علشان يرتبط بيها رسمى مش علشان يتسلى

مع احترامى لكل الى انت قلته يا ابو انس لكن ده مش مكانه عندك القسم الدينى ادخل وقول الى انت عايزه

لكن فى القسم ده احنا عاملينه للفضفضة ياعنى بنتكلم فى اى حاجة طالما الحمد لله مفيش اى كلام خارج عن الادب بيتقال

ثانيا متدخلش الدين فى اى كلام واى موضوع بيناقش لان احنا عاملين قسم خاص لكدة علشان مفيش اى حد يدخل ويفتكس و يخبط فى الدين زى ماهو عايزفى اى موضوع

الى عنده راى دينى ويكون متاكد منه ومن حد موثوق فيه يدخل يضيفه فى القسم الدينى ومحدش هيعترض بالعكس هنشيله على دماغنا ونشكره على المعلومة كمان

لكن مش اى موضوع ندخل الدين فيه وبعدين احنا كل الى بنعمله بنفضفض مع بعض

وبعدين احنا بنتكلم فى مشاكل الشباب ياعنى مشاكلنا علشان نحلها مع بعض

انا بتكلم الكلام ده بصفتى المشرف على القسم ده ومن حقى استخدم سلطاتى فيه ومنها حذف مشاركتك لكن انا مش هعمل كدة المرة دى

انا مكنتش احب اقول حكاية المشرف والسلطات والكلام ده ومقلتوش قبل كدة لان كلنا بنفضفض مع بعض لكن لما الاقى حد هيبوظ القسم لازم ادخل لان كلامك زعل اعضاء المنتدى

موضوع: رأي أخر 2008-04-21, 6:49 am

السلام عليكم

يظهر انك يا أبو انس مقرتش اللى انا كتبتة كويس

انا قلت عاوز اتعرف عليها علشان اخطبها مش علشان اتسلى بيها

ومع احترامى لرأيك مش كل العلاقات دى بتنتهى بفشل انا اعرف ناس اتجوزوا كدة - انت مبتسمعش عن جواز الحب ولا انت عاوزنا نجوز جواز صالونات اللى غالبا بينتهى بعدم تفاهم بيبان بعد الجواز

انا من نحيتى مش شايف اى غلط من ناحية العضو JUST

الراجل داخل فالموضوع بجد وعاوز خطوبه فجواز يعنى مش بيتسلى

اما بقى موضوع جواز الصالونات فده فاشل بكل المقايس وانا بقول كده عن تجارب حصلت قدامى

وده طبعا بسبب عدم التوافق الكلى والجزئى مابين الاتنين

وبعدين هو مقالش يقابلها بره الجامعه زى اللى قال : نظره فموعد فلقاء ........ و هو بس عايز يدخل فتجربه عاطفيه و .....

هو بيحبها وطبعا خايف عليها من اى كلمه وحشه واعتقد ان ده مش حرام خاصة لو كان نهايته مشروعه

وموضع اننا فسن خطر وممل دى مش صح خااااااااالص بالعكس احنا فاجمل سن ممكن يعيش فيه الانسان

لان ليه متعاته الكتير ....... وحلال طبعا ........ اتمنى ياجماعه نكون متفاهمين للامور اكتر من كده

موضوع: رساله حب وشكر 2008-04-21, 9:10 pm

السلام عليكم ورحمه الله وبركاته
والله انى احبكم فى الله طبعا زى ماانتم بتحبونى فى الله
والله انا مااردت الا النصح والخير واكيد كلكم متاكدين من كده ووالله انى لاحبكم فى الله والله يعلم ذلك
ورد الاخت اللى ردت على انا سعيد جدا من رمها على بس انا ماكنت اقصد انى اقل منكم فى شىء بس الانسان لازم دائما يتهم نفسه بالتقضير ونه اقل من الناس 3
فى كثير من اوجه الخير
والباشمهندس شريف انا كننت قلقان من ردك جدا على ووالله انا بعزك جدا
وانى بخبط فى الدين انا جبت الايه من القران ومرضتش اكمل كلام خوفا منى من الزلل وحبيت انكم تسمعوا الشريط علشان تعرفوا قصدى والدليل الصحيح
وياريت تسمعوا الشريط وان شاء الله تعرفوا قصدى وتتاكدوا من حبى لكم فى الله
واخيرا والله انى احبكم فى الله

اولا انا متاكد مليون فى المية ان نية just فى الموضوع شريفة جدا وانه عايز يرتبط ارتباط رسمى مش يتسلى وانه كان عايز الاول يشوف فى تجاوب بينه وبينها ولا لاويشوف طباعهم متوافقة ولا لا قبل ما يتقدم رسمى ولا الاحسن من وجهة نظر الاخ ابو انس والاخ احمد على انه يروح يتقدم على طول ويخطبها ويخرج معاه تحت مسمى الخطوبة ويروحلها البيت مهما مخطوبين بقى وبعدين يلاقوا بعض مش متوافقين فيقلها معلش انا اسف معطلكيش ويبقى كدة البنت حصلها ضرر اكبر .

وبعدين المفروض متخدوش الامور بالظاهر زى ما عملتوا مع just طالما انتوا متعرفوش نيته الحقيقية فمتفتوش وتقعدوا تقولوا ده اكيد نيته انه عايز يمر بى تجربة عاطفية وخلاص لانه لو عايز يعمل كدة مش هيحتاج يسال.

وبعدين الى اخد كل كلمة من اعضاء المنتدى الكرام وعلق عليها حب يورى كاتب الموضوع مدى التناقض الى فى كلامه.

وبعدين بالنسبة ليكم ابسط حاجة لما تلاقوا نفسكم مش عارفين تردوا تقوموا جايبين آية قرآنية سواء بقى كان مكانها اول لا المهم علشان تخلى الى قدامكم مش عارف يرد.

او تعملوا اى حاجة تلفتوا بيها النظر لجذب الانتباه كان انتوا الصح واحنا مش عارفين حاجة زى ما انتا عملت خلفية ملونة للموضوع لجذب الانتباه.

وهرجع واقول الكلام فى الدين فى القسم الدينى مراعاة لقواعد المنتدى والا هتصرف .