جالي عريس ههههههههههه

شفتو ا مش مصدقين صح بس متفرحوش قوى انا قلت المنحوس منحوس ولو علقو على راسة فانوس
جالى خالى وقالى شوفى ياعثل انا عندى ليكى خبر حلو (خير اللهم اجعلة خير قلبى مرفرف زى الطير)
انا عندى ليكى واد انما اية هدية (كان فاضل شوية واديها عشرة بلدى بس قلت يا بت خليكى تقيلة وانا حموت واعرف التفاصيل ) هية
واد دكتور بس اية (يا حلاوة يا حلاوة) بيطرى بس اية (مش مهم اهى باضتلك فى القفص انتى كنتى لاقية) بس اية (خش فى التفاصيل قصر ولم المتكسر) بيتكلم عايز عروسة انا قلت فى سرى مفيس احسن من بنت اختى حببتى
شوفى بقى احنا حنيجى بكرة تشوفية يمكن ميعجبكيش(هو انا كنت لاقية هاتو يا عم النهارة يقرا الفاتحة):sheikh :
ام هند (المهم اتعلموا اللغة بقى ) جة وياريتة مجه
انا طبعا مش حقولكم انا استعملت كافة انواع وطرق التنظيف من الشامبو والصابون وجميع انواع الماسكات من زبادى وخميرة وردة ودقيق وماء ورد وصنفرة(للولاد دى وصفة كيكة متخدوش فى بالكم ) حتى وصلن الى الكلور ماهو من مواد التبيض:000200D8 ;;:
طبعا البنات عارة الحاجات دى ولبست مستنية عريس الغفلة قبل المعاد ب5 ساعات
(عادى يعنى بس عشان يعرف انى منضبطة )
وشرف وصل حاجة كدا (ما علينا هو احنا لاقيين الموجود)
ودخلت عاملة مكسوفة وانا ببص من تحت لتحت
واتكلم وياريتة متكلم وقتها عرفت ان الخرس نعمة شوفوا قال اية بعيدا عن بعض التفاصيل ال كل ما افتكرها الضغط يرتفع عليا
طبعا كل اللى قاعدين عملوا انهم عايزين حاجة من جوة ودخلو يجبوها
سكته وهو ساكت(اية جايبلى عريس اخرس)
ونطق (اخيرا بيتكام يا حلاوة عريس يا امة)
اية مبتتكلميش لية
عادى مفيش حاجة (بينة غبى )
لا انا اصلى جاى عشان اسمع (حد قالة انه حيخطب ام كلثوم)
ايه مش محضرة شوية اسئلة عشان تسأليها (حد قال انى مدرسة وهو تلموذ)
(طب لو معرفش يجاوب امدة على رجليةولا اية)
عادى يعنى مفيش حاجة فى دماغى انت عايز تسال فى حاجة او توضح حاجة
تخيلو يرد يقول اية
لا انا جاى اسمع خواتى البنات قالولى اسمعها كويس وحاول تعرف ردود افعالها ولو تقدر استفذها
(يا صبر ايوب سبحان من صبرنى )
انا طبعا قلت بانت من اولها لا اخد حقى
يعنى ايه تستفذنى
يعنى اعصبك ارخم عليكى اعرف درجة انفعالك عند كام
لا انت اصلك متعرفنيش لما بتعصب اية بتعملى اية
ممكن احدف بأى حاجة قدامى
يا سلام (الاخ غبى باين كدا)
طيب والله حاجة حلوة خالص (انا قلت باينة )
سبته وقمت ومش حوصف كان هاين عليا اطوحة من البلكونة حتى لا يأذى الاخرين
دخلت وكان هاين عليا اخنق خالى
وعدت الليلة بغض النظر على ماحدث فيها
تانى يوم اتصل ببابا وطلب معاد عشا يتكلم فى التفاصيل
طبعا بابا قالة كل شئ قسمة ونصيب
يقوم ولا على اية يقول لبابا لية هو حد حيدفع فيها اكتر منى (عل اعتبار انى معزة مهو بيطرى )
بابا قال مفيش نصيب رد وقال طب انا حزود 5000 كمان على الشبكة رد بابا معلش مفيش نصيب قوم اية يرد بص بقى اخر كلام هما 10000 زيادة ودا خر كلا هى متشويش اكتر من كدا
فعلا بابا لاتعليق وقفل التليفون فى وشة
بالذمة شفتوا الهنا اللى انا فية على حد قبل كدا
حــــــــــــــ ـــــــــــــــ ـــــــــــــــ ــــــــــــرام

هو واضح انه دخل البيت غلط لانه كان رايح يبيع ويشترى من مزاد مش رايح يتجوز

[quote="love_for_life"]هو واضح انه دخل البيت غلط لانه كان رايح يبيع ويشترى من مزاد مش رايح يتجوز[/quote

اكيد عارف انى بهزر ومش انا بطلة الرواية دى
بس نعمل اية بقي دا قدر البنات نستنى واحد يبيع ويشترى هههههههههه
بس مش تقلق علينا بنطلع عينكم بعد الشراء قصدى بعد الجواز ههههههههههه

هههههههههههه
انا عارف انك مش بطلة الرواية دى وبعدين انتو مش بطلعوا عينا بعد الجواز بس وقبله كمان بس على قلبنا زى العسل

تعبكم راحة

لو الواحد بيتعب وهو بيحب فعلا ومتاكد انها بتحبه مش هيحس بالتعب خالص بالعكس ده هيبقى تعبها راحة