يوميات طالب طب فى الريف

سالنور عليكم كلكم
انا عارفة ان معظمكم هنا مهندسين اخبط بقي في الدكاترة براحتى هههههههههه
دى يوميات طالب طب في الريف( بالشعبي الفلاحين احسن ناس طبعا مقدرش اخبط فيهم واحنا منهم ..... اكيد معيا في الرأي دا ولا ايه؟؟؟؟؟؟)


يوميات طالب طب فى الريف


احب اعرفكم بنفسى ..
انا مورسى عبد المتجلى ..
طالب فى الفرقه الرابعه كليه طب بنى ادمين *
مش عارف وصلتلها ازاى *
.. من كفر مصيلحه لو تعرفوها *
انا عن نفسى معرفهاش * ..
وكفر يعنى ريف
يعنى طالب طب لسه فى اول يوم = دكتور متخرج خلاص يعنى اى حد يتعب اجرى يا مورسى شوف ماله واهو منه تدريب ليك برده يابنى

مره كنت قاعد بذاكر فى امانه الله *
ما انا مواريش حاجه الا المذاكره * ..
وبصراحه مكنتش طايق نفسى ..
مش بحب الماده دى ومش بذاكر غيرها اصلا ..
لقيت ابويه داخل عليا بيقول :
الحق يا دكتور مورسى ..
عم يحيى البقال تعبان اوى ..
تعالى شوف ماله ..
انا قلت بينى وبين نفسى :
استر ياللى بتستر

المهم خدت السماعه *
هديه بابا فى عيد ميلادى ..
اصل من هنا ورايح كل حاجه تجيلى طب × طب * ..
رحت على بيت عم يحيى ..
اه على اللى حصلى هناك ..
انا اللى تعبت مش هو ..
فجأه سخنت ودوخت ومشفتش قدامى * تعبير مجازى طبعا * ..
عم يحيى نايم متكلفت فى اللحاف ..
جنبه مراته اللى قالتلى انه سخن وعنده مغص ..
وحواليهم عم محمود المكوجى وعم عبده الحلاق والاستاذ صبحى *
معرفش بيشتغل ايه بس له كلمه فى البلد *..
وطبعا ابويه وخالى اللى كان بيزورنا ساعتها

المهم بردو طلعت السماعه وايدى طبعا بترتعش ..
حطتها على صدره وبطنه *
ال يعنى انا عارف هم بيحطوها هنا ليه * ..
بعدها كل اللى عرفت اقوله :
خير خير .
ان شاء الله خير ..
مراة عم يحيى : ماله يا دكتور تعبان ليه ؟ ..
انا : لا ابدا انتى بس اعمليله كمادات ميه ساقعه وهو هيبقى كويس ..
عم محمود المكوجى : مش هتكتب روشته عشان السخونيه والمغص يا دكتور ؟
* كنت عايز اقوم اخنقه ساعتها * ..
انا : ايه ؟
ايوه ايوه طبعا ..
مسكت الورقه والقلم وكتبت الروشته

physiology ثلاثه مرات يوميا

histology بعد الفطار

anatomy بعد العشاء

biochemistry حقنه كل 12 ساعه

الاستاذ صبحى : هروح اصرف الروشته ..
مراة عم يحيى : ربنا يخليك يا استاذ صبحى ويخلى الدكتور مورسى وينجحه ويطلعه من الاوائل ..
نصير الغلابه ..
انا : الله يخليكى *
وانا مكسوف من نفسى وكمان شويه كنت هدخل فى خاله اغماء * ..
روحت على البيت ..
امى : ادخل ذاكر بقى يا حبيبى ..
بينى وبين نفسى : ال مذاكره ال ..
هو انا هعرف اذاكر .. ليه يا بنى بتحطنى فى المواقف دى ؟
* وانا رافع ايدى للسما *.. هييييييييه دنيا

فى مكان اخر امام الصيدليه ..

الصيدلى : مين اللى كتب الروشته دى يا استاذ صبحى ؟
الاستاذ صبحى : ده الدكتور مورسى كتر خيره ..
الصيدلى : مش ده ابن عم عبد المتجلى اللى فى طب ؟
الاستاذ : ايوه هو
الصيدلى : طيب عم يحيى بيشتكى من ايه عشان افهم بس ؟
الاستاذ : ده عنده سخونيه ومغص الظاهر اكل حاجه مش نضيفه ..
الصيدلى : ايوه فهمت ..
اتفضل الدوا اهو ..
الاستاذ : شكرا يا دكتور ............... ............... ..........
طبعا كنت فى نص هدومى والدكتور عادل الصيدلى بيعاتبنى ويحاسبنى



ملحوظه :
الروشته لم تكن تحتوى الا على المواد التى يدرسها اى طالب طب فى الفرقه الاولى
[u]وطبعا لو لا الصيدلي كان الراجل ضاع(بما انى صيدلانيه بقي هههههههههه)[/u]

لمجرد المعرفه : الفسيولوجى هو علم وظائف الجسم ..
الهستولوجى هو علم الانسجه ..
الاناتومى هو علم التشريح ..
والبايو كميسترى هو علم الكمياء
الحيوية[i]

اولا انا رايى من رايك وطبعا الريف احسن ناس هما الاصل.

اما بخصوص الدكتور الممتاز ده ربنا يستر وميتخرجش والا هنضمن منين كل مرة ينقذ الدكتور الصيدلى الموقف.

احسن تحية لكلية صيدلة

love_for_life كتب:

اولا انا رايى من رايك وطبعا الريف احسن ناس هما الاصل.

اما بخصوص الدكتور الممتاز ده ربنا يستر وميتخرجش والا هنضمن منين كل مرة ينقذ الدكتور الصيدلى الموقف.

احسن تحية لكلية صيدلة

ميرسي علي مرورك
نورتنى