يا راجعين من ارض جمصه اخباركم ايه

neno

هاى يا شباب هطلب منكم طلب كل واحد يقول رايه فى الرحله بتاع جمصه وايه اكتر موقف حصل كان حلو بالنسبه لكم وايه رايكم فى الاكل بتاع شخص موجود معانا على المنتدى وكلنا بنحبه اوى يا ترى بيعرف يطبخ ولااااااااااااا ايه
يلا قولوا رايكم بصراحه

just_dream

السلام عليكم

احنا قضينا أحلى أيام حياتنا فى المصيف دة بصراحة لأن اى اصحاب طالما مع بعض تهون أى حاجة تانية وبننسى أى مشاكل تانية

بالنسبة للأكل اللى كانوا مسأولين عنة هما : شريف و ماجد و عمرو عماد

وانا هتكلم بصراحة جدا:

طبعا ألف شكر ليهم على تعبهم بس بصراحة الرز كان معجن ومكنتش عارف اكل خالص بس كنت مجبر

وعلى فكرة الرز كان معجن بردة فى السنة اللى قبلها يعنى من الاخر (حسبى اللة ونعم الوكيل)

لأ واية دول كمان أصروا طالما هما عملوا الاكل ان الباقيين ينظفوا الاطباق والمطبخ وطبعا كنت انا فى مقدمة المنظفين

بس بصراحة بالرغم من كل دة كان فعلا مصيف جامد جدا ونفسى يتكرر تانى

ماجد محمود

المصيف السنادى كان جامد جدا الواحد نسى كل هم السنه فالاسبوع اللى قضاه مع الشله الحلوه دى
اما بقى المواقف اللى حصلت هناك انا لو اتكلمت هقول كواااااااااااااارث
يعنى مثلا الاكل مع انى مشترك فالموضوع وهفضح نفسى بس يلا عشان خاطرك يا neno
زى ما طارق قال انا وشريف كنا مسؤلين عن الاكل بس انا محطتش ايدى فالرز خالص
شريف عمل فيها طباخ وقال هعمل رز حبايه وحبايه وفعلا عمله وطلع حبايه مستويه والتانيه حجر
لولا اننا كنا جعانين جدا كنا اكلناه كله لشريف عقابا له
موقف تانى كنت داخل انام عادى زى كل يوم انا وجمبى ..... بدون زكر اسماء
فلقيت الضرب فيا اشتغل بالايد فبصيت على اللى نايم على السرير اللى جمبنا لقيته زى الفل مش بيتحرك خالص وهادى فقمت ورحت نمت جمبه ويادوب بتقلب لقيت ايده ورجله فوقى
اول مره اشوف واحد ينام على شكل قوس .... لا بس اخت حقى لما قمت صورتهخ وهو نايم على الشكل العجيب ده ده قبل ما اسيب الاوضه لهم .....
فى بقى موقف حصل واحنا قاعدين مع بعض بالليل من طارق ضحكنا طول الليل
خليه هو اللى يقوله

_________________
ماجد محمود

neno

just_dream كتب:

السلام عليكم

احنا قضينا أحلى أيام حياتنا فى المصيف دة بصراحة لأن اى اصحاب طالما مع بعض تهون أى حاجة تانية وبننسى أى مشاكل تانية

بالنسبة للأكل اللى كانوا مسأولين عنة هما : شريف و ماجد و عمرو عماد

وانا هتكلم بصراحة جدا:

طبعا ألف شكر ليهم على تعبهم بس بصراحة الرز كان معجن ومكنتش عارف اكل خالص بس كنت مجبوعلى فكرة الرز كان معجن بردة فى السنة اللى قبلها يعنى من الاخر (حسبى اللة ونعم الوكيل)

لأ واية دول كمان أصروا طالما هما عملوا الاكل ان الباقيين ينظفوا الاطباق والمطبخ وطبعا كنت انا فى مقدمة المنظفين

بس بصراحة بالرغم من كل دة كان فعلا مصيف جامد جدا ونفسى يتكرر تانى

ر
الحمد لله ان انتم اتبسطوا هناك بس يا حرام الرز كان معجن المهم حصل اى اصابات ولا ربنا ستر
ها وايه رايكم فى بابا غنوج كان حلو ولااااااااااااااااااا
ها قولى بقى يا دريم ايه الموقف ال حصل فى يوم بالليل وماجد مش راضى يقوله ده لو مش فى مانع بس انا عارفه مش هترضى تزعل اختك الصغيره نينو مش كده ولا ايه

neno

ماجد محمود كتب:

المصيف السنادى كان جامد جدا الواحد نسى كل هم السنه فالاسبوع اللى قضاه مع الشله الحلوه دى
اما بقى المواقف اللى حصلت هناك انا لو اتكلمت هقول كواااااااااااااارث
يعنى مثلا الاكل مع انى مشترك فالموضوع وهفضح نفسى بس يلا عشان خاطرك يا neno
زى ما طارق قال انا وشريف كنا مسؤلين عن الاكل بس انا محطتش ايدى فالرز خالص
شريف عمل فيها طباخ وقال هعمل رز حبايه وحبايه وفعلا عمله وطلع حبايه مستويه والتانيه حجر
لولا اننا كنا جعانين جدا كنا اكلناه كله لشريف عقابا له
موقف تانى كنت داخل انام عادى زى كل يوم انا وجمبى ..... بدون زكر اسماء
فلقيت الضرب فيا اشتغل بالايد فبصيت على اللى نايم على السرير اللى جمبنا لقيته زى الفل مش بيتحرك خالص وهادى فقمت ورحت نمت جمبه ويادوب بتقلب لقيت ايده ورجله فوقى
اول مره اشوف واحد ينام على شكل قوس .... لا بس اخت حقى لما قمت صورتهخ وهو نايم على الشكل العجيب ده ده قبل ما اسيب الاوضه لهم .....
فى بقى موقف حصل واحنا قاعدين مع بعض بالليل من طارق ضحكنا طول الليل
خليه هو اللى يقوله

ربنا يفرحكوا كمان وكمان ويلا معلش فى مقلب الرز ال عمله شريف معاكم مسيره يتعلم هههههههههههه
تعيش وتاخد غيرها يا ماجد طفشوك من الاوضه يا عينى يلا معلش
عقبال المصيف ال جاى ان شاء الله وتكونوا خلاص اتخرجتوا بتقدير حلو بس تعزمونى بقى فى الحفله بتاع التخرج ولا هتنسونى

just_dream

NO COMMENT

drnnonna

حمد لله علي سلامتكم الاول
وبعدين انا زعلانة تبوظوا الاكل ومعاكوا علي المنتدى طباخة بريمو زيى
طيب كنتوا استشيرونى يلا مش مشكلة خيرها في غيرها
بس معلش يا شريف ممكن تقولي طريقة عمل الرز حبة مستوية والتانية نية
يمكن احب اطفش عريس ولا حاجة واستخدم الطريقة دى

just_dream

السلام عليكم

أوعى يا drnnonna تتعلمى حاجة من الواد دة والا هتخلى العريس ينتحر مش هيطفش بس دة غير ان كدة مفيش حد هيجى يتقدملك خالص

وبعدين انتى مش محتاجة تعليم والحمد للة كفاية الفطيرة الجميلة اللى عملتيها قبل كدة

love_for_life

المصيف السنة دى كان حلو جدا.

وقضينا الاسبوع بالطول والعرض وعملنا كل حاجة فى الاسبوع.

الى جايين دلوقتى يتكلموا عن الرز اولا مش انا الى كنت عامله انا وصيت اتنين من اصحابنا ينقوا الرز ويحطولوا المية وانا مجرد لما جيت حطيته على النار والى بيعرف يعمل رز هيعرف ان المية الاولانية هى الاساس يعنى مش انا الى بوظتى.

وبعد كدة يبقوا يدورا مين يعملهم الرز وباباغنوج ومين هينزل يشترى السمك والخضار من السوق.

بقى كدة تستغلوا انى مش موجود ومسافر وتقولوا عليا كل ده ماشى لما اشوفكم بس.

متصدقيش الكلام الى اتقال يا drnnonna

drnnonna

لالالالا مش تقلق انا مش مصدقة
انا متأكدة بس
وبعدين عادى يعنى كفاية انت تعبت نفسك وبوظت حاجة
اقصد وعملت حاجة

just_dream

love_for_life كتب:

المصيف السنة دى كان حلو جدا.

وقضينا الاسبوع بالطول والعرض وعملنا كل حاجة فى الاسبوع.

الى جايين دلوقتى يتكلموا عن الرز اولا مش انا الى كنت عامله انا وصيت اتنين من اصحابنا ينقوا الرز ويحطولوا المية وانا مجرد لما جيت حطيته على النار والى بيعرف يعمل رز هيعرف ان المية الاولانية هى الاساس يعنى مش انا الى بوظتى.

وبعد كدة يبقوا يدورا مين يعملهم الرز وباباغنوج ومين هينزل يشترى السمك والخضار من السوق.

بقى كدة تستغلوا انى مش موجود ومسافر وتقولوا عليا كل ده ماشى لما اشوفكم بس.

متصدقيش الكلام الى اتقال يا drnnonna

السلام عليكم

انت بردة السبب ياشريف انة طلع معجن وانا عندى الدليل ولو عايزنى أطلعة هاطلعة

وبعدين يعنى اية ابقوا دوروا على اللى هيعملكوا الرز بعد كدة هتعملة غصب عنك السنة الجاية ان شاء اللة

love_for_life

انا موافق يا طروق طلع الدليل وانا مستعد.

وهنخليك السنة الجاية تعمله انت ونشوف شاطرتك.